Cheka agonga wawili MANZESE Dar...

MUDA mfupi baada ya kumtwanga Mada Maugo katika mpambano wa kuwania ubingwa wa (IBF) juzi, bondia Francis Cheka, alipata ajali ya gari alilopewa zawadi katika mpambano huo na kujeruhi watu wawili katika eneo la Manzese Tip Top jijini Dar es Salaam.

Kamanda wa Polisi Mkoa wa Kipolisi wa Kinondoni, Charles Kenyera, ameliambia Championi Jumatatu kuwa, Cheka alipata ajali hiyo baada ya gari alilokuwa akiendesha aina ya Toyota Corolla kugonga watu wawili waliokuwa katika pikipiki, ambapo dereva wa pikipiki alijeruhiwa vibaya huku abiria akipata majeraha madogo.